Министерката Гордана Јанкуловска ја „преживеа“ интерпелацијата
Скопје, 31. јули 2010 (ИНПРЕС)
 Во атмосфера на жестоки лични навреди, Собранието на Република Македонија со 14 гласа За и 69 против ја отфрли интерпелацијата за работата на министерката за внатрешни работи Гордана Јанкулоска поднесена од пратениците од опозициските партии.
Комплетната атмосфера, често на работ на инцидент, вчера уште еднаш го покажаа вистинското лице на народните избраници. Жестоки меѓусебни обвинувања, навреди, довикувања од место и неприфатливо однесување на пратениците.
Зборови акко „фашисти“, „диктатори“, „лажговци“, „убијци“, „насилници“, „луди“, „трудни“ ... беа само дел од арсеналот кој го „испукаа“ едни врз други.
Според пратениците од владеачката ВМРО-ДПМНЕ интерпелацијата за работата на министерката за внатрешни работи Гордана Јанкуловска беше непотребна, неоснована и побара опозицијата да ја повлече, додека нивните колеги од опозицијата сметаат дека нејзината работа придонесува за тоа Македонија да стане полициска држава и оти е директно одговорна за упад во парламентарната демократија.
Итерпелацијата заинистерката за внатрешни работи Гордана Јанкуловска, ја несео СДСМ и НСДП поради собранискиот инцидент од 1 јули. (Крај) | 
