Кај Карпалак слика како од 2001-та

Тетово, 8. февруари (ИНПРЕС)

На автопатотот Тетово-Скопје во близина на Групчин кај месноста Карпалок синоќа изгоре автобус на приватното автоттранспортно претпријатие „Интертурс“.

Со автобусот во детското одмиралиште „Бунец“ на падините на Бистра кај Маврово претходно биле превезувани 50-тина ученици од скопските училишта.

За среќа, за Скопје автобусот се враќал без ниту еден патник.

Додека се движел по автопатната лента од правец на Тетово кон Скопје, возачот Борче Димоски забележал непријатна миризба и чад кој се ширел од правец на последните седишта, пренесе КИС телевизија.

Покрај возачи од Тетово и Скопје кои случајно наишле во гаснењето на пожарот учествувале и две екипи од професионалните противпожарни единици од Тетово и Скопје кои во 20 часот и 50 минути минути успеале целосно да го ликвидираат пожарот.

Од огнот биле зафатени сите делови од автобусот по што целиот е уништен. Поради опожарениот автобус, сообраќајот на автопатната лента од правец на Тетово кон Скопје, кај месноста Караплак беше во целосен прекин помалку од еден час.

Екипи на Министерството за внатрешни работи како и на другите надлежни органи извршија увид и работат на утврдување на причините за избувнувањето на пожарот на скопскиот автобус. Среќна околност е што нема повредени, но е причинета голема материјална штета,а износот се утврдува.(Крај)

www.kd-group.com.mk